Bayerni e ka mposhtur 2:0 RB Leipzigun në “Allianz Arena” për ta rrëmbyer kreun në Bundesliga.
Bayern Munich e ka shfrytëzuar gabimin e Borussia Dortmundit, që në xhiron e 10’të u befasuan nga Hannoveri duke u mposhtur 4:2, shkruan Gazeta Express.
Të besuarit e Jupp Heynckes triumfuan në shtëpi 2:0 për të marrë kryesimin në Bundesliga me 23 pikë të grumbulluara, tani tri më shumë se Dortmundi.
James Rodriguez 19’ dhe Robert Lewandowski në minutën e 38’, shënuan për vendasit – ky i fundit u largua nga loja menjëherë pas golit për shkak të disa shqetësimeve muskulore.
Mysafirët luajtën me një lojtar më pak nga minuta e 13’të, pasi Willi Orban u ndëshkua me karton të kuq.