Kantautori shqiptar, Ermal Meta dhe Fabrizio Moro rrembyen cmimin e madh te Sanremos, duke u shpallur fitues me këngën e tyre “Non mi avete fatto niente”.
Pas peripecive me pezullimin njehere nga gara e me pas me rifutjen serish ne konkurrim, shqiptari Meta dhe Moro befasuan me interpretimin e tyre dhe performancen e cila u cilesua e jashtezakonshme, duke bere per vete publikun italian qe i moren edhe votat.
Kënga “Non mi avete fatto niente” ka në thelb terrorizmin, por për herë të parë që e ka kënduar, këngëtari shqiptar, ka menduar për fëmijërinë e tij shumë të vështirë.
Ka qenë vetë Ermali, që e ka thënë këtë (sipas medias italiane), që e ka deklaruar. Ai ka pranuar se kjo këngë i ka kujtuar të atin e dhunshëm, por edhe ka dhënë mesazhin e fortë se ai nuk i ka bërë dot asgjë dhe nuk e ka penguar dot të bënte një jetë ashtu si ai e donte, të qetë. Sigurisht që nuk ka qenë e lehtë për Ermalit, por për të e shkuara është vullnet për të ecur përpara.
“Kjo këngë ju sjell ndër mend aspekte apo momente të jetës suaj private?”, ka pyetur një gazetare Ermal Metën gjatë një programi në Rai Uno.
Përgjigja e tij ishte e qartë dhe njëherësh tepër emocionuese: “Kur e kam kënduar për herë të parë më erdhi në mend fëmijëria ime. Doja të këndoja me forcë: Bastard, nuk me bëre dot asgjë”.
Nuk është hera e parë që Meta flet për raportin e tij shumë konfliktual me të atin e dhunshëm dhe se si ai i shkatërroi fëmijërinë.
E pavaresisht kesaj, po t’i hedhesh nje sy profilit ne FB te babait te tij, Gezim Meta, duket se ky raport nuk eshte aq i krisur.
Gezim Meta ka qene tifoz dhe mbeshtetes i djalit te tij qe merrte pjese ne Sanremo kete vit dhe ne profilin e tij ne FB, shihen postimet qe ai ben duke i uruar suksese.
Madje mbremjen e fitores, Gezim Meta ka postuar edhe foton e te birit ne momentin qe kishte marre cmimin.
Ai ka marre qindra urime ne FB per fitoren e djalit, te cilave u eshte pergjigjur me perzemersi.
