Protesta e opozitës paraditen e sotme para Kuvendit duket se shërbeu vetëm për dorëzimin e mandateve të deputetëve.
Protestuesit thjeshtë dhe vetëm ndoqën krerët e partive politike përkatëse, dhe I dëgjuan në fjalimet e tyre fare të shkurtra.
Ndoshta duhet të kishin pritur diçka më shumë, përvetë faktin se shumë prej tyre kishin lënë punën. Thënë kjo, pasi denoncimet njëra pas tjetrës nxorrën “zbuluar” disa Bashki të vendit që gjatë orëve të protestës u shpallën zyrtarisht jofunksionale.
Duke qënë se “urdhri i partisë” ishte të shkonin në protestë, si I tillë duhet ndjekur. E megjithatë, shumë prej qytetarëve që sot kanë prit një shërbim nga këto Bashki, jo vetëm që nuk e kanë marrë por nuk kanë pasur as mundësinë ta kërkojnë.
Shembulli I parë, erdhi nga Bashkia Kamëz aty ku veç mureve ngjyrë blu nuk kishte mbetur më asgjë.
Bashkia Kamëz
Më pas, edhe Bashkia në Klos, Mat dhe Cërrik (të gjitha të drejtuara nga Partia Demokratike), dhanë shembullin se si detyra ndaj popullit nuk ka fare rëndësi përpara detyrës ndaj partisë.
Bashkia Klos
Vetë kryebashkiaku i Cërrikut, Altin Toska u “spikat” sot fare rastësisht në protestë. Kuptohet pasi të gjitha punët e Cërrikut i kishte mbaruar njëherë e mirë.
Përgatiti: AlpeNews.al
