Bashkimi Evropian pritet të vendosë sanksione kundër pesë personave, të cilët, sipas bllokut, kanë ndihmuar në organizimin e zgjedhjeve presidenciale ruse në rajonin ukrainas të Krimesë, të cilin Moska e ka anekusar.Burime që kanë njohuri për këtë çështje, por që nuk janë të autorizuar të flasin publikisht, i kanë thënë Radios Evropa e Lirë, se diplomatët e BE-së janë duke punuar për të përditësuar listën e sanksioneve dhe përfaqësuesit e BE-së pritet t’i miratojnë këto sanksione gjatë takimit të tyre më 8 maj.
Emrat e personave që do të shtohen në listën e sanksioneve nuk janë bërë publik.
BE-ja tashmë ka ngrirë asetet dhe ka refuzuar vizat e 150 zyrtarëve rusë dhe separatistëve që mbështeten nga Moska, si dhe ndaj 38 entiteteve, që sipas Brukselit zyrtar, janë përgjegjës për shkeljen e integritetit territorial të Ukrainës, shkruan rel.
Sanksionet fillimisht ishin vendosur në mars të vitit 2014, pasi Rusia aneksoi paligjshëm gadishullin ukrianas të Krimesë.
(m.k/BalkanWeb)
