Kryeministri Edi Rama së bashku me me kryebashkiakun e Tiranës, Erion Veliaj po zhvillojnë një bashkëbisedim me banorët e njësisë nr 3, në kafe. Gjatë takimit, Rama përveçse foli për lejet e ndërtimit që duhet të jepen apo edhe projektin e “Unazës së Madhe” u ndal edhe te djali i tij i vogël, Zaho. Rama zbuloi se në shtëpinë e tij nuk kanë kanalet shqiptare dhe se Zaho, nuk është fare i informuar rreth situatës në vend. Kreu i Qeverisë tha se djali i tij sheh vetëm filma vizatimorë, por edhe shpjegoi se emri i tij është edhe mysliman dhe i krishterë.
“Zaho është emër që e kanë përdorur historikisht edhe myslimanët edhe të krishterët. Është një emër që mishëron edhe konceptin në këtë aspekt. Ai se di çfarë punë do bëjë. Jam duke fol në telefon, më thotë ‘nuk je lodhur akoma’. Ne në shtëpi nuk kemi televizion shqip dhe nuk ka parë televizor. Ai sheh spidermanin dhe nuk është informuar për këto gjëra.”-tha Rama.
Rama, u ndal edhe te investimet. Ai theksoi se investimet nuk bëhen sot për sot dhe se duhet t’i hapet rrugë zhvillimit.
“Investimet në infrastrukturë nuk bëhen sot për sot. Është raporti 5 shtëpi për 50 vjet. Tjetra gjë është e sigurtë në vend që të rrijnë të shohin nga qielli ndërtojnë dhe marrin përqindje si gjithë pronarët e tjerë. Situata te Unaza e Re është tjetër gjë tregon se është avantazh. Nuk ka një rrugë tjetër duhet me i hap rrugë zhvillimit. Dhe njerëzit fitojnë.
Ndërtimi nuk është me detyrim në kohën që ti je pronar. Ti vendos.
Faktikisht se këtu si në gjithë botën, zhurmën e bën lajmi i keq. Ndodh një rast për një arsye për një tjetër edhe manipulohen edhe bëhen. Por Bashkia lejen e jep në këtë bazë. Edhe ajo historia për Përmbarimin që u bë skandal i madh. Kompania i kishte dhënë kontratën ndaj fitoi, ‘urdhëro këtu je pa leje’. “-tha Rama.