Mbledhja në Komisionin e Ligjeve është shoqëruar me debate, ku po diskutohet projektligji për ‘Bashkëqeverisjen’.
Nënkryetari i PD-së Enkelejd Alibeaj ironizoi disa nene të projekt-ligjit dhe tha se ai është nga filli në fund propagande. Ndërkohë që relatorja e komisionit Klotilda Bushka i tërhoqi vëmendjen duke theksuar se Alibeja po shtrembëron ligjin.
Alibeaj: Nuk po pretendojmë që më fjalën tonë të ndryshojmë qëndrimin tuaj. Ju nuk po u jepni të drejtën që të njohin lidhjen e tyre ligjin e bashkëqeverisjes. Por ne duhet të diskutojmë për nëntin, për teknikën legjislative. Ju po të doni i merrni i përmirësoni, nuk mund të na mohoni të drejtën për të folur. Për çdo nen na jepni të drejtën për të folur. Fusha e zbatimit thoni ju e zbatohet nga administrata shtetërore. Po bëni absurd logjik, por thoni ligji do zbatohet tregon jo seriozitet dhe tregon se me këtë ligj s’keni ndërmend asgjë më shumë se vetëm propagandë. Projektkligji për bashkëqeverisjen ka çudira. Më e rëndë është koordinator, na qenkan një punonjës i agjencisë për dialog dhe bashkëqeverisje i cili ushtron detyrën pranë një institucioni tjetër. Pra qenka i dypunësuar. Rrogën e marrin tek Rama dhe punën tek institucionet e tjera. Si mundet që në një ligj i thjeshtë që po e miratoni me vrap, po hidhi pas një ngrehinë të tërë legjislacionesh. Me një palo ligj. 5 nga 6 pikat e projektligjit kanë probleme. Pika 4. ‘Çështje’ fillon fjalia, përfshin të gjitha rastet që vijnë në seksionet e platformës. Fillon me njëjës përfundon me shumës. Cila mësuese gjuhe e fillores ia paska dhënë notën këtij që ka shkruar ligjin.
E fundit, kjo është perlë. Interpelancë, takimi i zhvilluar mes qytetarëve dhe anëtarëve të Këshillit të Ministrave përmes platformës “Shqipëria që duam”. Po i jepni të drejta qytetarëve?! Po ty nuk të vjen kryeministri në Parlament do shkoka të qytetarët. Pse nuk shkoni ju zonja ministre te ata banorët që u janë prishur shtëpitë. Kjo është tallje e madhe, me projektligjin, me gjuhën shqipe, jeni nga fillimi në fund për propagandë.
Bushka: Nuk mund të merrni rolin e gjykatës, as të Gjykatës Kushtetuese dhe të shtrembëroni atë që thotë ligji. Unë jam relatorë dhe komentet kanë të bëjnë me ato se çfarë ju shtrembëroni në ato që paraqitet në projektligj. Projektligji nuk dyzohet në kodin e procedurave administrative. Terminologjia në ligj është e rregullt
