Në një takim më gazetarët kryetari i demokratëve Lulzim Basha komentoi ngjarjen më të fundit politike siç është ai i zgjedhjes së Prokurorit të Përgjithshëm.
Në fjalën e tij Basha nisi të lexojë Kushtetutën e vendit, nenet ku flasin për këtë rast dhe duke i komentuar se si zgjidhjen. Basha theksoi se Kryeprokurori zgjidhet nga Këshilli i Lartë i Prokurorisë me 3/5 të votave, duke argumentuar se forma se si po zgjidhet prokurori tani. Kryeprokurorin e përzgjedh KLP, kur ai mungon nuk mund të zgjidhet.
“Neni 148 i Kushtetutës thotë se prokurorit zgjidhet me 3/5 e Kuvendit mes 3 kandidatëve të KLP me një mandat 7-vjeçar. Kjo pra është shumica e Kuvendit, 3/5. Dhe institucioni që e propozon është KLP.
Neni 148 A, pika 2, thotë KLP bazuar në një thirrje publike përzgjedh 3 kandidatët më të kuaolifkuar dhe ia përcjell Kuvendit. Pra, është KLP që administron procedurën kandidaturat për Kryeprokur. Mbarimi i mandatit deklarohet me vendim të KLP. Ky nen përcakton institucionin që vendos se kur i mbaron mandati dhe ky institucion është KLP.
Neni 148 Ç, thotë se prokuror mund të jetë shtetas shqiptarë, pas përfundimit të shkollës së magjistraturës dhe pas kryerjes së procesit të verifikimit të pasurisë e figurës sipas ligjit, pra çdo prokuror mund të emërohet vetëm pasi të ketë kaluar Vettingun”, lexon Kushtetutën Basha.
“Sot nuk kemi krizë të zgjedhjes së kryepokuroit, por kemi bllokim të qëllimshëm të reformës në drejtësi. Prandaj s’duhet të merren me propozime pazaresh politike në kurriz të kushtetutës.
“KLP duhet të ishte miratuar 8 muaj më parë. Vetëm KLP mund të shprehet për mandatin e Kryeprokurorit, vetëm KLP administron kandidaturat për Kryeprokuror. Zgjidhet me 84 vota, nëse nuk arrin këtë konsensus, që deri në shtator ishte me 2/3 se maxhoranca e kaluar i kishte 3/5, atëherë Kushtetuta ia heq të drejtën Kuvendit dhe ia kalon KLP-së. Kandidatët duhet të kenë kaluar Vettingun dhe mbi të gjitha kushettuta nuk lejon asnjë hapësirë që të ketë isntitucione të parakohshme apo tranzitore në lidhje me kryeprokurorin. Zero mundësi. Çdo gjë tjetër është gënjeshtër, është antikushtetuese, është antireformë. Hapat që ka ndërmarrë komisioni i ligjeve janë antikushtetuese. Një prokuror politik do mbrojë politikanët e inkriminuar dhe korrupsionin”, tha Basha.
Cilat ishin qëllimet kryesore të reformës në drejtësi? Pastrimi i drejtësisë nga prokurorët e gjyqtarët e korruptuar dhe pavarësia e drejtëisë nga politika që do me thënë ndalimi i emërimeve politike në drejtësi,” tha Basha. /AlpeNews.al
