Kryeministri Edi Rama, ditën e sotme ka zhvilluar një takim me qytetarë, deputetë të zonës së Beratit, duke diskutuar për projektet e nisura për këtë qytet.
Rama u shpreh se PS ka nevojë për mbështetjen e të gjithë dhe për një bashkim të madh forcash , pasi sipas tij sfidat nuk janë partitë, por jetësorë.
“Sfida e madhe e daljes nga kthetrat e armikut të padukshëm dhe çlirimit të njerëzve nga ankthi i armikut të padukshëm është një sfidë jetësore që ne do ta fitojmë , falë edhe bashkimit të madh të njerëzve me vetëdijen që kjo është një sfidë që i përket të gjithëve jo vetëm shtetit. Tani është koha për t’i dhënë një shtysë finale me vaksinimin e qytetarëve”,tha Rama.
Kryeministri bëri të ditur se në pranverë do të nisë procesi i vaksinimit masiv të qytetarëve, duke shtuar se janë 140 shtete që akoma nuk e kanë nisur procesin e vaksinimit.
