Mjeku i mirënjohur pranë shërbimit infektiv në Qendrën Spitalore Universitare “Nënë Tereza”, Pëllumb Pipero ka ndarë sot një mesazh ndërgjegjësues me qytetaret, ku ka theksuar se kjo sëmundje është shumë më e lehtë të parandalohet sesa të kurohet.
Pepero ka kërkuar mirëkuptimin e qytetarëve, të cilët duhet të kufizojnë lëvizjet e tyre e të ruajnë distancat sociale me njëri-tjetrin, në mënyrë që sipas tij, ndihma të shkojë tek ata që sot kanë nevojë për ndihmën e mjekëve më shumë se kurrë.
Pipero thotë se bashkë do t’ia dalim.
‘Kemi komunikuar çdo ditë dhe prapë do të komunikojmë për shkak se epidemia e shkaktuar nga koronavirusi po prek pothuajse gjithë botën, na preku edhe ne.
Kemi nënvizuar disa herë se sëmundjen e shkaktuar nga koronavirusi, e kemi më të lehtë pa parandalojmë sesa ta kurojmë dhe për t’a parandaluar duhet doemos mirëkuptimi juaj, duhet mbështetja juaj. Mbroni veten, duke mbrojtur veten mbroni edhe të tjerët, na mbroni edhe ne.
Madje na mbroni, t’iu japim më shumë ndihmë atyre që sot më shumë se kurrë, kanë nevojë për ne. Jo frikë, jo panik. Paniku është aleati më i mirë i virusit, kujdesi është aleati ynë. Mjafton të kufizoni lëvizjet dhe virusi rrin larg, mjafton të kufizoni kontaktet dhe virusin e mbani larg. Mos harroni të lani duart sa më shpesh me ujë dhe sapun. Së bashku ja dalim, së bashku ne e mundim këtë epidemi’, -thotë Pipero.
🛑#COVID-19Fjalën duhet ta kenë ekspertët! Ju lutem kushtojini pak minuta nga koha juaj këtij mesazhi të dr. Pëllumb Piperos👇#QëndroniNëShtëpi
Gepostet von Ogerta Manastirliu am Dienstag, 17. März 2020
