Kreu demokrat Lulzim Basha nuk do ta kishte menduar që në forumin “Studentët për qeverisjen e mirë”, aty ku po fliste për sukseset e tij si student në Hollandë, dikush do t’i kujtonte se është produkt i një politike që më shumë i ka sjellë dëme Shqipërisë, se sa të mira.
Një nga studentët i tha Bashës se njerëz si ai, janë produkt i një politike që ka qënë katalizator i rrënimit kulturor të këtij vendi.
“Ju të gjithë si politikanë jeni të përfolur për afera. Vendimin për këto e jep gjykata, por unë si i ri flas për perceptimin publik që është krijuar për ju zoti Basha. Dhe ky përceptim, për politikanë si ju është një nga arsyet pse të rinjtë largohen nga vendi”, tha i riu i pranishëm në panel.
Pasi iu tha pështyma për pak minuta, Basha u përgjigj duke thënë se ai personalisht është produkt i hapjes së Shqipërisë komuniste, vetëm sepse pati fatin të studionte në Hollandë.
