Kryetari i PD, Lulzim Basha, vizitoi mesditën e sotme familjet e prekura nga përmbytjet në Bashkinë e Kamzës. Valiasi, zona e Frutikulturës është më e prekura nga shkarkimi i liqenit të Bovillës dhe reshjet e dendura.
Basha i kërkoi qeverisë të bëjë gjithçka për t’u ardhur në ndihmë banorëve dhe i këshilloi ata të bashkëpunojnë me emergjencat civile për të shmangur çdo humbje njerëzore.
Banorët iu ankuan kreut të opozitës për braktisje nga autoritetet qeveritare dhe se deri tani ia kanë dalë vetë ose me ndihmën e bashkisë. / gazetamapo
