Ka nisur seanca e sotme me tensione dhe e paralajmëruar nga PD e cila ka planifikuar ta bllokojë. Në fjalën e tij, kreu i demokratëve, Lulzim Basha ka vijuar akuzat për vëllain e ministrit të Brendshëm Fatmir Xhafaj.
Basha tha: “Agron Xhafaj iku në fshehtësi në Itali. Pasuria e familjes Xhafaj duhet të hetohet e gjitha. Agron Xhafaj nuk ka vuajtur asnjë ditë dënim”.
“Fatmir Xhafaj duhej të kishte dhënë dorëheqje. Fatmir Xhafaj nuk është këtu sepse është i zenë me diçka tjetër të cilën do ta marrim vesh shumë shpejt. Prej 72 orësh dëshmitari X është nën presionin e bandave dhe terrorit policor.
E gjithë policia është vënë pas familjes së dëshmitarit dhe pas vetë dëshmitarit. Policia e ka për detyrë të ndalojë Agron Xahafaj, i cili është koka e drogës në Vlorë. Prokuroria e ka për detyrë të hapë hetimin. Por kanë bërë dicka tjetër, terror policor, përderisa audiopërgjigimi nuk është i vërtetë, perse i jane vënë prapa dëshmitarit X dhe jo bandave?” theksoi Basha. /AlpeNews.al
