Indrit Hoxha, është “tradhtari” më i fundit i Partisë Demokratike që pak ditë më parë vendosi të pranonte mandatin e deputetit.
Por duket se historia e Indritit nuk është ashtu si deputetët e tjerë që sot ndodhen në Kuvend. Kjo pasi burime të sigurta për AlpeNews.al bëjnë me dije se Hoxha ka qenë prej vitesh dhe është ende një nga njerëzit më të besuar të kreut të demokratëve, Lulzim Basha.
I rritur brenda selisë blu, duket thuajse e pamundur një shkëputje e Indritit me kryetarin e tij të përjetshëm.
Dyshime të tjera ngrihen pikërisht në statusin e vetë Indritit pas pranimit të mandatit. Në fjalinë e fundi tai ndër të tjera i kërkon miqve të tij të kenë pak durim (?!) dhe se asgjë nuk është siç duket.
“Per te gjithe historikun tim personal e familjar, ne shenje respekti per kontributin tim politik per te djathten shqiptare dhe Partine Demokratike, do kerkoja nga gjithsecili prej jush vetem pak durim. Durim ne shenje respekti per vendimin tim personal ne lidhje me kerkesen e ardhur nga KQZ per te pranuar mandatin e Deputetit te Kuvendit te Shqiperise. Do kerkoja gjithashtu besimin dhe mbeshtetjen tuaj te palekundur, deri ne momentin final kur vendimarrja ime te jete publike per te gjithe shqiptaret. Shqiperia si e gjithe Europa mbetet enderra ime dhe e cdo bashkmoshatari tim.”
E gjitha kjo e çon situatën në atë që ka kohë që përflitet. Se PD dhe LSI, pasi humbën përfundimisht rrugën drejt Kuvendit, tanimë kanë filluar të infiltrojnë njerëzit e besuar në listat e krijuar nga vetë ata… për ti përfaqësuar.
Pyetja lind, përse është nevoja e kësaj kur fare mirë mund të mos kishin dalë kurrë nga Kuvendi?!
Përgatiti: AlpeNews.al