Mesfushori i Manchester United Ander Herrera është përfolur për një kalim sensacional te Barcelona në merkaton e janarit.
Mesfushori spanjoll, i cili ka nisur si titullar vetëm dy ndeshje të Premier League këtë sezon nën drejtimin e Jose Mourinho-s ka vuajtur për të gjetur një vend titullari.
Gjithsesi, stili i lojës së Herrera-s do t’i shkonte jashtë mase stilit të Barça-s, teksa katalanasit janë në kërkim të zëvendësuesit të Andres Iniesta.
Gjigantët spanjollë për momentin janë katër pikë më tepër se surpriza Valencia në krye të renditjes së La Liga-s këtë sezon, dhe pesë pikë më shumë se Real Madrid.
Por me 30 ndeshje të mbetura, trajneri Valverde po konsideron mundësitë për t’i shtuar skuadrës më shumë kualitet, sipas raporteve në Spanjë. Barcelona pritet të bëjë një ofertë për Herrera, dhe Mourinho nuk do të ishte kundër një shume të konsiderueshme.
