Paulinho ka shënuar po aq gola sa e gjithë treshja sulmuese e Real Madridit, BBC.
Treshja sulmuese Real Madridit, BBC (Karim Benzema, Gareth Bale dhe Cristiano Ronaldo), kanë shënuar vetëm katër gola në La Liga.
Besoni apo jo, 12 lojtarë të La Ligas kanë shënuar më shumë gola se treshja sulmuese e Realit dhe 11 aq sa kanë edhe BBC.
Edhe Paulinho i Barcelonës, që në Spanjë e quanin si blerje të gabuar nga ana e Barcelonës, ka shënuar katër gola, aq sa kanë realizuar së bashku Bale, Benzema dhe Cristiano.
Reali ka mbetur 10 pikë prapa Barcelonës në renditja pas dështimit me Atleticon dhe duket se tashmë titulli i La Ligas është i paarritshëm për Los Blancos.
