Bandat e kanë terrorizuar vendin tone për një kohë të gjatë, ku njerëz të rrezikshëm ishin bërë “të paprekshëm” nga policia.
AlpeNews.al ju sjell në rubrikën e “2018” rastet e arrestimit të 5 bandave më të rrezikshmë në Shqipëri:
1. BANDA E MET KANANIT- Maj 2018
Një operacion masiv i Policisë dhe Prokurorisë së Krimeve të Rënda në bashkëpunim me agjencitë partnere, kanë kryer 13 arrestime në Shqipëri duke shkatërruar një rrjet të madh të trafikut të lëndëve narkotike drejt Turqisë dhe më pas me destinacion BE-në, e njohur ndryshe si banda e Met Kananit, duke e çuar në 39 numrin e shqiptarëve të arrestuar si anëtarë të këtij grupi.
Operacioni preku qytetet si: Tiranë, Elbasan, Shkodër, Korçë dhe Lezhë ku janë arrestuar 13 persona, ndërsa në Turqi kanë rënë në pranga në muajin mars 4 të tjerë, përfshirë edhe kokën e bandës, Met Kananin, ndërsa një prej tyre është arrestuar në Maqedoni.
Në total, anëtarët e bandës së drogës të arrestuar janë 39 persona, disa prej tyre të prangosur një vit më parë në Itali dhe Greqi, ndërsa hetimet kanë vijuar që prej shkurtit të vitit 2017.
2.BANDA E BAJRAVE- Shtator 2018
Banda e Dobraçit e cilësuar nga mediat e huaja ku në krye të saj qëndronte Enver Bajri I cili u arrestua në Spanjë. Këtu në Shqipëri u arrestua Safet Bajrit i njohur edhe si Safet Rustemi. Ai ishte një nga emrat më të përfolur kohët naga policia ashtu edhe nga politika, i akuzuar si i përfshirë në ngjarje kriminale në Shkodër dhe Belgjikë.
Operacioni I koduar “Oaz” ishte grupi i fisit Bajri, i konsideruar nga më të rrezikshmit vitet e fundit në Shkodër. Ku u arrestuan Behar Brajoviq (Bajri) arrestuar në Roterdam bashkë me Samet Hallunin. Pjesë e këtij grupi janë arrestuar që në ndërhyrjen e 6 shtatorit në Shkodër Ilir Rustemi, Emrah Plaku dhe ish-boksieri Astmer Bilali. Prangat i janë vënë edhe trajnerit të kombëtares së femrave Armir Grimaj.
3. BANDA E NIKLËS Shtator 2018
Atentatet e ndodhura në Fushë Krujë ne 2017 kishin si autor bandën e Niklës me në krye Durim Bamin ku u bë I njohur për çështje “DOSHI”. Policia për të kapur mat 8 ‘të fortët’, forcat speciale, RENEA dhe FNSH-ja kanë përdorur një truk të vogël. Që në orën 04.00 të mëngjesit në të gjithë zonën e Niklës janë fikur dritat. Kjo ka bërë që të fortët të izoloheshin në banesa e policia t’ju shkonte në derën e shtëpisë.
Nga operacioni 8 persona u shoqëruan, ndërsa 2 prej të cilëve kanë urdhër arresti Durim Bami dhe Flamur Haka. Ndërsa të shoqëruar janë Marenglen Haka (nipi i Flamur Hakës), Bedri Haka, Valter Bami dhe Ylli Cangu (kunati i Durim e Valter Bamit).
4 BANDA E AVDYLAJVE-Tetor 2018
Super-operacioni ku u arrestuan 44 persona për trafikim të lëndëve narkotike mes tyre edhe dy ish deputetët Arben Çuko dhe Arben Ndoka.
Kokat e këtij grupi ishin familja kriminale “Avdylajt” në Shijak e cila kishte vite që e që merrej me këtë lloj aktiviteti.
Policia për prangosjen e anëtarëve, apo bashkëpunëtorëve të grupit, janë zhvilluar njëkohësisht operacione në 12 qytete, nga Hasi deri në Sarandë, ndërsa me këtë operacion, policia pretendon se ka goditur 4 grupe të skeduara. Ashtu siç u paralajmërua ky operacion është në vijim. RENEA dhe forca të tjera të Policisë së Shtetit, edhe mbrëmjen e djeshme kanë blinduar Shijakun, në kërkim të personave të tjerë që ushtrojnë aktivitet kriminal. Në këtë operacion i cili u shtri nga veri deri në jug. Në laboratorin e sekuestruar në sajë të këtij operacioni mesditën e së premtes, policia sekuestroi 182.5 kg morfinë, e ndarë në 175 pako, 22 litra lëndë e lëngshme, të cilat përdoreshin për prodhimin e heroinës.
Në goditjen finale të këtij operacioni i cili zgjati rreth 72 orë, morën pjesë rreth 1500 forca policore. Në datë 18 tetor në mëngjes u ushtrua kontroll në banesën e shtetasit Mustaf Shuti në fshatin Brenogë, Has, ku u gjetën prekursorë për prodhimin e lëndës narkotike. Të arrestuar në flagrancë janë 5 persona, për veprat penale “Prodhimi dhe shitja e narkotikëve”, “Trafikim i narkotikëve”, “Prodhimi dhe fabrikimi i lëndëve narkotike”, në bashkëpunim, në formën e posaçme të grupit të strukturuar kriminal dhe organizatë kriminale Vehbi Berushi, 57 vjeç, Flamur Çela, 48 vjeç, Xhevit Shuti, 48 vjeç, Mustaf Shuti, 76 vjeç dhe Anila Shuti, 42 vjeç”, u shpreh Veliu. Gjithashtu janë shpallur në kërkim katër persona, dy shtetas turq, një kosovar dhe një shqiptar.
Arrestimet
Për këtë aktivitet kriminal, prokuroria kërkoi masën arrest me burg për 44 persona, kërkesë e cila u pranua nga gjykata. Po ashtu u kërkua kontrolli i banesave për këta 44 persona, si dhe 22 dy persona të tjerë, të përfshirë në këtë veprimtari kriminale. Autoritetet thanë gjithashtu se janë arritur të provohen 13 episode të trafikimit të lëndëve narkotike të kryera në të gjithë territorin e vendit dhe në Itali. Policia mësohet se ka kryer kontrolle në 100 banesa, përfshirë në shtëpinë e Lulzim Berishës, pas dyshimeve se mund të fshihej drogë, por nuk ka pasur urdhër-arresti për të. Në pranga përunduan, Jasin Kala, alias Jasin Avdyli, me pseudonimin “Cine”, nga Shijaku; Shkëlqim Avdyli, me pseudonimin “Kiçi”, nga Shijaku; Denis Llaftiu, nga Shijaku; Fatos Llaftiu, nga Shijaku; Hajri Seferi, nga Shijaku; Petro Kuci, alias Abedin Kuçi, nga Delvina; Ilirjan Prifti, nga Fieri; Elton Shehaj, nga Tirana; Armand Spiro, nga Tirana; Astrit Balliu, alias Avdyli, Sulejmani, me pseudonimin “Titi”, nga Shijaku; Altin Avdyli, me pseudonimin “Niçja”, nga Shijaku; Saimir Gjepali, nga Shijaku; Gjevi Ndoka, alias Xhevahir, me pseudonimin “Xhevi”, nga Lezha; Esat Mehmeti, me pseudonimin “Çakja”, nga Fieri; Saimir Sulejmani, nga Fieri; Orges Jahelezi, alias Artan Elezi, me pseudonimin”Nita”, nga Tirana; Elis Bahushi, nga Elbasani; Elis Guri, nga Shkodra dhe Artur Balla, nga Elbasani. Gjithashtu u shpallën në kërkim shtetasit me inicialet M. Z., dhe P. S. Në kuadër të këtij mega operacioni, ku u goditën katër grupe kriminale, është zbuluar edhe implikimi i tre punonjësve të Policisë së Shtetit. Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale. Efektivët e arrestuar janë Ardit Gjyriqi, nga Tirana; Jasin Abduli, nga Saranda dhe Bledar Koçi, nga Lushnja.
5 BANDA E ÇAPJAVE 17 Nëntor 2018
Fisi Çapja është i njohur dhe i skeduar për një sërë ngjarjesh kriminale të ndodhura në Elbasan. Nga operacioni e fundit që u bë në këtë familje u arrestuan, dy anëtarë të fisit Çapja emrat e tyre janë arrestuar Enver Çapja dhe Naim Gjarri
Anëtarëve të fisit Çapja iu sekuestruan përgjatë kontrollit një armë të tipit pistoletë, fishekë dhe bombë me sahat.
Operacioni u ndërmorr pas atentatit me granatë që ju bë pronarit të një lokali në Elbasan Albert Alterziut.
/AlpeNews.al
