Mëngjesin e sotëm, redaksia e ALPENews.al publikoi të dhëna lidhur me njërin nga “ndihmësit” e kapur në operacionin “Zallmneri” në kryeqytet, një ditë më parë.
Ai është Ervin Lika, i cili sëbashku me të afërmin e tij, Besnik Likën kryenin dërgesat ose shkëmbimet e lëndës narkotike për të gjithë të “interesuarit” apo “klientët” e tyre.
Xhevahir Lusha një ditë më parë, sërish nga redaksia e ALPENews.al u zbulua se kishte në pronësi një lokal në një zonë periferike të Tiranës, dhe që domosdoshmërisht nga burimet e brendshme të Policisë së Shtetit dolën të dhëna se Lusha e përdorte si vend-takim këtë lokal për të gjithë ata që blenin sasinë e lëndës narktotike (bar, hashash, heroinë, marijuanë).
Lusha mësohet se ka qenë “Koka” e grupit dhe urdhëronte të gjithë se çfarë duhet të bënin, ndërsa në rolin e “asistentit” të tij ishte Ilirjan Selimi, banues në Tiranë, dhe shok me Lushën.
Selimi gjithashtu pjesë e bandës prej kohësh, aq sa edhe i informuar me ecurinë e tregëtisë që kryhej nëpër Tiranë.
Në skenë mëngjesin e sotëm kanë dalë edhe të afërmit Lika, Ervin dhe Besnik. Të dy me të njëjtin mbiemër, por akoma e pakonfirmuar nëse janë vëllezër apo jo, të paktën burimet e Policisë së Shtetit nuk kanë dalë në një deklaratë dytësore.
Megjithatë redaksia e ALPENews.al zbuloi një tjetër fakt të rëndësishëm që të dy të afërmit Lika kanë bërë rolin e ndërmjetësit, ndihmësit, dhe korrierit të lëndës narkotike. Ata ishin një hap pas Lushës, dhe Selimit (34 vjeçarit me baanim në kryeqytet).
Ervin Lika, shtetas shqiptar, banues në Tiranë është një prej katër të arrestuarëve, të cilët dyshohet se ka kryer rolin e “korrierit” dhe të “ndihmësit” të bandës. Përveç kësaj Lika duket shumë i afërtë me “kokën” e bandës, Xhevahir Lushën të cilit herë pas here edhe ishte në fotografi me të.
Mëposhtë po ju paraqesim fotografitë e të arrestuarëve Ervin dhe Besnik Lika.
- NJOFTIMI ZYRTAR I POLICISË SË SHTETIT
Finalizohet operacioni policor i koduar “Zallmneri” nga Seksioni kundër Narkotikëve në bashkëpunim me Komisariatin e Policisë Nr.5.
Goditet një tjetër rast i shitblerjes të lëndëve narkotike.
Arrestohen në flagrancë 4 shtetas si dhe shpallet në kërkim 1 tjetër.
Sekuestrohet lëndë narkotike, automjet dhe aparate celularë.
Seksioni kundër Narkotikëve në bashkëpunim me Komisariatin e Policisë Nr.5, në kuadër të operacionit policor të koduar “Zallmneri”, arrestuan në flagrancë shtetasit :
– Xhevahir Lusha, 47 vjeç, banues në Tiranë.
– Ilirjan Selimi, 34 vjeç, banues në Tiranë.
– Ervin Lika, 30 vjeç, banues në Tiranë.
– Besnik Lika, 26 vjeç, banues në Tiranë.
Si dhe u shpall në kërkim shtetasi:
– B. H., 26 vjeç, banues në Tiranë.
Këta shtetas në rrugën “Teuta” u kapën në flagrancë nga shërbimet e Policisë, ku në bashkëpunim me njëri tjetrin po transportonin qese me lëndë të dyshuar narkotike të llojit kanabis sativa, nga banesa e shtetasve (Ervin Lika dhe Besnik Lika, vëllezër), në bagazhin e një automjeti tip “Golf”.
U sekuestruan në cilësinë e provës materiale :
– 67 kg lëndë e dyshuar narkotike e llojit kanabis
– automjet tip “Golf”.
– 3 aparate celularë.
/ALPENews.al