Një prind i kopshtit me ushqim pranë Qendrës Kulturore të Fëmijëve në Gramsh evidenton një fakt të dhimbshëm. Disa fëmijë flenë në krevate të rinj dhe me komoditet, të tjerë në krevate prej hekuri të kohës së “xhaxhit”.
Pra duket sikur fëmijët diferencohen në 2-grupe, “të pasurit & të varfrit”.
Sipas infoelbasani.al, kopshtit me ushqim pranë Qendrës Kulturore të Fëmijëve, i janë dhuruar 8-krevate të rinj nga këngëtari “Noizy”, por numri i fëmijëve për këtë kopsht është më i madh. Kështu një pjesë e fëmijëve flenë në krevate të mira dhe pjesa tjetër në krevate me hekurat gjithë ndryshk.
Infoelbasani.al, sqaron më tej se këto ndihma janë siguruar nga një prind i cili është njëkohësisht edhe anëtarë i bordit të prindërve.