Mario Balotelli, sulmuesi i Nice, tha se ai dëshironte të mos mungonte sonte Neymar (është i pezulluar nga kartoni i kuq), por ta kishte përballë në “Parc des Princes”, në ndeshjen që korrespondon me javën e 11-të Ligue 1. Komisioni Disiplinor i Federatës Franceze të Futbollit ka vendosur të enjten pasdite që të mos ketë më shumë se 1 ndeshje dënim për brazilianin, aq sa e detyron ndëshkimi me të kuqe. Balotelli i tha gazetës së përditshme “Nice-Matin”: “Unë dua të luaj kundër Neymar, ndaj preferoja që braziliani të ishte në fushë. Do të ishte më bukur”. Sulmuesi italian beson se skuadra e tij ka potencial për të shkaktuar një mërzitje në fushën e PSG: “Sigurisht, është e mundur për të fituar në Paris, edhe pse e vështirë. Personalisht, besoj se gjithçka mund të ndodhë”.
