Kryeministri i Maqedonisë së Veriut, Dimitar Kovaçevski ka nisur konferencën në samitin e Ballkanit të Hapur që po zhvillohet në Ohër me një ftesë të hapur për Kosovën që t’i bashkohet kësaj nisme rajonale.
Gjatë fjalës së tij, Kovaçevski ka renditur përparësitë që kjo nismë i jep vendeve të rajonit në pjesën e bashkëpunimit rajonal.
Sipas kryeministri maqedonas, të gjitha liritë që mundëson Ballkani i Hapur, është një praktikë që ndiqet shpesh nga vendet anëtare të BE-së.
“Është nismë e jona për eurpoianizim të rajonit. Edhe shiriti i gjelbër lejon lëvizje të kamionëve që transportojnë produkte ushqimore. Të heqim barrierat. Pritja e kamionëve është zvogëluar, por mundemi edhe më shumë. Të zvogëlojmë burokracitë. Përfitimet nga Ballkani i Hapur, ne e pamë dhe këtë verë. Për bashkëpunimin e luftës kundër zjarreve, luftës kundër krizës së çmimeve. Ne ndihmojmë njëri-tjetrin dhe kemi një objektiv të përbashkët, të ecim përpara. Ne jemi kryesisht për përmirësimin e konkurrencës, zhvillim të bizneseve në rajon, standart më të mirë të jetës së qytetarëve. Ballkani i Hapur si ndërlidhshmëri, fitoi mbështetje nga biznese, ata dakordësuyan që Ballkani i Hapur është një nismë që i duhet vendeve tona.
Ky samit na çon edhe më tej në bashkëpunimin tonë, heqjen e barrierave, përafrimin e popujve tanë. Njohjen e përbashkët të diplomave, do ta lehtësojmë procesin për të krijuar një treg të vetëm të punës. Do e bëjmë këtë që të rinjtë të mos na ikin nëpër bvotë. Hapim një kapitull të ri për turizmin. Shpresoj që më shumë serb dhe maqedonas ta vizitojnë Tiranën. Në këtë samit do nënshkruhet edhe marrëveshja për administrimin e mallrave doganore.
Po realizojmë një gjë që është e zakonshme në BE përmes marrëveshjeve të përbashkëta. Ballkani Perëndimor do bëhet patjetër pjesë e BE-së. Vendet e Ballkanit janë të ndërlidhura ngushtë me njëra-tjetrën. Lufta në Ukrainë ka pasojat e veta në vendet e treta. Ne jemi ata që duhet ta plotësojmë zbrazëtirën që ka shkaktuar kjo krizë. Ne sot nga Ballkani i Hapur përcjellim një porosi të qartë, ka rëndësi të qartë që BE dhe vendet anëtare të pyeten për integrimin europian. Ftesa e Kosovës është e hapur” – tha Kovaçevski.
