Kryetari i grupit parlamentar socialist, Taulant Balla iu përgjigj akuzave të Lulzim Bashës nga foltorja e Kuvendit për kanabisin dhe krimin ku sipas tij janë të përfshirë edhe qeveritarët. Balla tha se Basha është i vetmi që i është fshehur drejtësisë me raporte mjekësore për skandalin e rrugës Durrës-Kukës.
“Basha di vetëm të gënjejë, nuk di t’u dalë problemeve përballë. Ti i je fshehur drejtësisë si askush tjetër për skandalin e rrugës Durrës-Kukës, je fshehur me raporte mjekësore. Nga Holanda ke mësuar vetëm fjalën kanabis”, tha Balla.
Sa i takon akuzave për Balilin, Balla iu përgjigj Bashës se ai është përfaqësues i LSI, aleatëve të sotëm të demokratëve. “Klement Balili nuk ka lidhje me PS, por është përfaëesues i PS. Nipi i Balilit është kryetbashkiaku i Delvinës i propozuar nga LSI. Apo se LSI sot është në krahun tuaj ky qenka sot i PS. Jo, nuk ka lidhje fare me PS. Dhe Lulzimi erdhi këtu e hodhi të njëjtat akuza. Mund ta pranonim përgjegjësinë kur ishim në koalicion me LSI, por jo sot. Agron Kapllanaj preket nga ligji i dekriminalizimit, nuk ka gjë që e shpëton, por e shpëtoi urdhri i Bashës përmes Klement Zgurit, 4 anëtarë të KQZ dhe për turp edhe ai i LSI-së, mbajtën në detyrë një kryebashkiak të akuzuar, arrestuar dhe dënuar për vjedhje makinash e shtëpish në Itali. S’i nuk ju vjen turp që flisni për kriminelë kur keni kriminelë në parti? Doni zgjedhje, hajdeni ta provojmë në Mallakstër, ne të vetëm, ju të gjithë bashkë“.