Një ngjarje tragjike ka tronditur qytetin e Lezhës, ku mjeku Anton Keçi, 53 vjeç, dhe vajza e tij 19-vjeçare, Bora Keçi, humbën jetën si pasojë e një aksidenti në aksin Lezhë–Kakarriq. E reja ishte studente në Fakultetin e Mjekësisë, duke ndjekur hapat e të atit.
Sipas dyshimeve paraprake, aksidenti ka ndodhur në orët e pasdites së djeshme, por u zbulua vetëm vonë në mbrëmjen e së shtunës. Ishin familjarët, të shqetësuar për mungesën e kontaktit, ata që nisën kërkimet.
Familjarët kanë hapur dyert e mortit, ndërsa lajmi i ndarjes së tyre nga jeta ka prekur thellë të afërm, miq dhe kolegë.
Alpenews.al ju sjell edhe postimet e trishta të kolegëve të tij, të cilët shprehen të tronditur nga ky lajm i rëndë.
