Dhjetra shokë të klasës së djalit 14-vjeçar shqiptar, i cili humbi jetën bashkë me babain e tij në një akisdent në Kanada kanë zhvilluar homazhe ditën e premte, duke ndezur qirinj për humbjen e tij.
Fatos Metko, 45 vjeç dhe djali i tij Fioralb Metko, 14 vjeç humbën jetën të dielën e kaluar në një aksident, ndërsa mbetën të plagosura rëndë gruaja e Fatosit dhe vajza.
“Familjet tona ishin shumë afër dhe ky lajm është shkatërrues për ne”, tha Hannah Carly, e cila ndihmoi në organizimin e homazheve jashtë shkollës “Samuel W. Shaw”.
Ilir Kuqi, president i Shoqatës Shqiptare Kanadeze të Calgary, tha se Maralba Metko është në gjendje kritike dhe mbetet në gjendje kome ndërsa vajza e saj Brianna “ndoshta do të jetë mirë”, të paktën fizikisht, tha ai.
