Mbledhja e qeverisë është zhvendosur këtë radhë nga Tirana në Durrës. Burime për ‘BalkanWeb’ bënë me dije se mbledhja do të mbahet sot edhe nesër në qytetin bregdetar, ndërkohë që janë parashikuar një sërë aktivitetesh.
Gazetarja Marsela Karapanco ka siguruar axhendën e qeverisë për këto dy ditë, ku në fokus do të jetë edhe turi i llogaridhënies.
Ndërkohë, përveç faktit se kabineti qeveritar do të mblidhet në Durrës, sot për Partinë Socialiste është festë, pasi është ditëlindja e 27 e kësaj partie.
Po ashtu “BalkanWeb” mëson se në 61 bashkitë e vendit do të ketë festime. Ndërkohë, festimet në PS e Tiranës do të mbahen në orën 19:00.
