Data 22/06/2018, nga memoriali i anijes Windrush te takimet politike në Europë duke u ndalur te mitingjet e fundit te Erdogan si më poshtë:
STAMBOLL (Turqi) – Presidenti turk, Recep Tayyip Erdogan zhvillon mitingjet e fundit të fushatës në Stamboll, një ditë para zgjedhjeve legjislative dhe presidenciale të 24 qershorit.
LONDËR(Britani e Madhe ) – 70-vjetori i mbërritjes në Tilbury, pranë Londrës, i anijes Windrush, e para që transportonte imigrantë me origjinë nga Karaibet, të mbërritur për të ndihmuar në rindërtimin e Britanisë së Madhe pas Luftës së Dytë Botërore.
BRATISLAVË (Sllovaki) – Manifestime antiqeveritare në kujtim të Jan Kuciak, autor i artikujve kundër korrupsionit në nivele të larta lidhur me mafian, vrarë në shkurt së bashku me të fejuarën.
VJENË (Austri) – Presidenti i Këshillit Europian, Donald Tusk pritet në Vjenë dhe në Budapest, dy vende kundër kuotave të shpërndarjes së migrantëve në BE. Austria merr presidencën e radhës në muajin korrik.
FRANCË – Grevë në Air France për pagat me kërkesë të sindikatave.
BEJRUT (Liban) – Kancelarja gjermane, Angela Merkel takohet me kryeministrin Saad Hariri.
BEJRUT (Liban) – Kancelarja gjermane, Angela Merkel zhvillon një vizitë në Jordani dhe Liban, dy partnerë të rëndësishëm në bashkëpunimin për konfliktin në Siri.
XHAKARTA (Indonezi) – Proces gjyqësor kundër një ekstremisti islamik i lidhur me atentatet e Xhakartës në vitin 2016.
DILI (Timori Lindor) – Betohet kryeministri dhe qeveria.
SHENZHEN (Kinë) – Vizitë në Kinë e kryeministrit, Eduard Philippe, i cili do të shkojë në Shenzhen, Shanghai dhe Pekin.
MOSKË (Rusi) – Konferencë shtypi e ministrave rusë të Punëve të Jashtme dhe të Mbrojtjes në lidhje me hetimet për sulmet kimike në Siri, me pjesëmarrjen e diplomatëve të huaj.
MOSKË (Rusi) – Vladimir Putin pret presidentin koreano-jugor, Moon Jae-in në Moskë për një vizitë shtetërore të dominuar nga çështja e Phenianit.
VJENË (Austri) – Takim i ministrave të Naftës për të vendosur mbi ndjekjen e politikave të kuotave të prodhimit.
