NGJARJE KRYESORE
BRUKSEL – Bashkimi Evropian pret kreun e diplomacisë iraniane, Mohammad Javad Zarif për diskutime mbi mbajtjen e marrëveshjes për programin bërthamor iranian, kundërshtuar nga presidenti amerikan, Donald Trump.
PARIS – Dy grabitës vazhdojnë të jetë të arratisur pasi pesë persona realizuan një grabitje spektakolare në pallatin e njohur parizian të Ritzit, duke marrë më shumë se katër milionë euro bizhuteri.
TUNIS – Situatë e tendosur në Tunizi ku përplasje të tjera kanë ndodhur dje në mbrëmje mes manifestuesve dhe policisë në disa qytete në ditën e tretë të protestave si pasojë e masave shtrënguese.
NGJARJE TË TJERA
UASHINGTON/SEUL – Presidenti amerikan, Donald Trump u shpreh i hapur për bisedime të drjetpërdrejta mes SHBA-së dhe Koresë së Veriut, gjatë një bisede telefonike me presidentin koreano-jugor, Moon Jae-In, i cili parashikon një samit me regjimin e Phenianit.
PEKIN – Kina, një kreditore e madhe e SHBA-së, hedh poshtë informacionet e shtypit që kanë të bëjnë me vullnetin e saj për të reduktuar apo ndërprerë blerjet e borxhit amerikan duke i cilësuar si lajme të rreme.
PHNOM PENH – Dita e dytë e vizitës së kryeministrit kinez, Li Keqiang në Kamboxhia kushtuar marrëdhënieve dypalëshe.
UASHINGTON – Presidenti amerikan, Donald Trump konfirmoi se SHBA-ja mund t’i rikthehet teorikisht në marrëveshjen e Parisit mbi klimën duke mos dhënë asnjë shenjë konkrete.
SHËN-DOMINQUE – Qeveria venezueliane dhe opozita rifillojnë negociatat në Republikën Domenikane në përpjekje të zgjidhjes së krizës politike dhe socio-ekonomike në vend.
BERLIN (Gjermani) – Përfundojnë diskutimet mes konservatorëve dhe social-demokratëve gjermanë në përpjekje të krijimit të një qeverie.
SOFJE – Hapet zyrtarish presidenca bullgare e Këshillit të BE-së nga kryeministri, Boiko Borissov, me pjesëmarrjen e të gjithë komisionerëve evropioanë.
LONDËR –Fjalim për mjedisin nga kryeministrja britanike, Theresa May gjatë të cilit mund të njoftojë taksa të reja për inkurajimin e riciklimit.
DAMASK/BEJRUT – Luftime të dhunshme në një aeroport ushtarak kyç në Siri, që forcat e regjimit kërkojnë t’ia rimarrin xhihadistëve në juglindje të provincës të Idlebit.
/ /ec/ a.jor.
