Partia Demokratike ka braktisur përfundimisht përkrahësit e saj të cilët ju përgjigjën thirrjeve për të protestuar para kryeministrisë.
Edhe pse Lulzim Basha frymëzonte turmat për mosbindje civile dhe ndërmarrjen e akteve revulucionare, sot në mënyrë të përsëritur ka braktisur mbështetësit duke mos i dërguar as avokatin përkatës për t’i përfaqësuar ligjërisht.
Me urdhër të Bashës, avokati Artan Murrizi përsëri ka refuzuar të shkojë në seancën gjyqësore pa përcjellë asnjë njoftim për anëtarët e PD-së të cilët gjenden në mëshirë të fatit.
Një prej protestuesve tregon edhe telefonatën që ka pasur më herët sekretarin e përgjithshëm të PD Gazmend Bardhi i cili i ka thënë “Priteni se do të vijë”.
Ndërkohë, avokati i është shmangur seancave njëra pas tjetrës duke i lënë protestuesit të enden në dyert e gjykatës,
Teksa asnjë prej organizatorëve apo ushtruesit e dhunës nuk u ndalua duke i shpëtuar organeve ligjzbatuese, barra e përgjegjësisë ra mbi protestues të thjeshtë që u ndaluan nga policia me akuza absurde dhe zvarriten në ecejake gjyqësore sot e dy vite me radhë.
Të ardhur nga qytete të ndryshme të vendit, sot ata gjenden po përsëri para godinës së gjykatës të pa përfaqësuar ligjërisht, të pa shpresë nga drejtësia dhe të zhgënjyer nga politika që përherë protestuesit i përdor vetëm si sqeparë për të çarë dyert e kryeministrisë.(TemA)
