Arrestohet në Belgjikë Kristjan Demçe, 43 vjeç, banues në Lushnje, i akuzuar për tentativën e trafikimit të një sasie të madhe droge.
Bëhet fjalë për ngjarjen e ndodhur në vitin 2014, kur një avion i tipit “Piper” i drejtuar nga piloti italian, Giorgio Riformato u ul në vendin e quajtur “Plazhi i Divjakës”, rrethi i Lushnjës, për të marrë një sasi pre rreth 300 kg kanabis sativa.
Mes personave që e prisnin për të ngarkuar lëndën narkotike në avionin e italianit, ishte edhe Kristjan Demçe.
Por, trafikimi nuk u realizua pasi gjatë uljes, avionit ju prish rrota e parë, cka bëri që piloti të binte në pranga si dhe të zbuloheshin bashkëpunëtorët e tij.
Gjykata e Krimeve të Rënda e ka dënuar këtë Demçen me 7 vjet e 4 muaj burg, për veprën penale “Trafikim i lëndëve narkotike, kryer në bashkëpunim”.
