Një 33-vjeçar ka rënë në pranga në Durrës, nën akuzë si autor i disa grabitjeve.
Mësohet se Gentian Hasa ka kryer 4 vjedhje, në një pallat në ndërtim, në një kantier ndërtimi, e në një banesë, ku ka marrë vegla pune. Po ashtu, ai ka vjedhur dhe një shumë parash në një market.
Policia arriti ta zbulonte vetëm pasi e ndaloi, për shkak se u përfshi në një konflikt me një tjetër shtetas. Gjatë kontrollit në shtëpi, iu gjetën sendet e vjedhura, paratë si dhe një mjet prerës bashkë me një shkop bejsbolli.
‘Gjakmarrja’ Lici-Bajri/ Si nisi përplasja mes dy fiseve që ka marrë mbi 20 jetë
Njoftimi i policisë:
Vihet në pranga një 33-vjeçar, i cili dyshohet se ka kryer 4 vjedhje dhe është konfliktuar fizikisht me një shtetas tjetër. Sekuestrohen shuma parash, vegla pune dhe armë të ftohta, që u gjetën në banesën e 33-vjeçarit.
Shërbimet e Komisariatit të Policisë Durrës, në vijim të punës për zbardhjen e rasteve të vjedhjes së pronës dhe pasurisë, bazuar dhe në inteligjencën policore, kanë organizuar dhe finalizuar operacionin policor të koduar “Several”.
Si rezultat i veprimeve hetimore të kryera gjatë operacionit, u identifikua, u kap dhe u vu në pranga shtetasi Gentjan Hasa, 33 vjeç, banues në Durrës. Ky shtetas dyshohet se:
-më datë 29.08.2024, ka vjedhur vegla pune në një pallat në ndërtim, në lagjen nr. 1;
-më datë 11.10.2024, ka vjedhur kabllo elektrike, në një kantier ndërtimi, në lagjen nr. 4;
SHIFRAT / Ky është qarku më kursimtar këtë vit, ja qyteti që mbetet në fund
-më datë 17.10.2024, ka vjedhur një shumë parash (xhiron ditore), në një market në lagjen nr. 1;
-më datë 20.10.2024, ka vjedhur vegla pune në një banesë, në lagjen nr.17/1.
Gjithashtu, ky shtetas dyshohet se më datë 27.10.2024, në lagjen nr. 17/1, është konfliktuar fizikisht me shtetasin E. T.
Gjatë kontrollit në banesën e shtetasit Gentjan Hasa, shërbimet e Policisë gjetën dhe sekuestruan shuma parash (euro dhe lekë), vegla pune, një mjet prerës (thikë) dhe një shkop bejsbolli.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
