Të paktën 33 persona dyshohet se kanë humbur jetën pasi autobusi me të cilin udhëtonin ra në një gryke të thellë malore në Indinë perëndimore.
Një zyrtar atje tha se autobusi transportonte 34 të punësuar të universitetit bujqësor, kur u rrëzua nga rruga malore, teksa tentoi të bënte kthesën në qarkun Raigad të shtetit Maharashtra.
Ekipet e shpëtimit deri më tani kanë arritur të gjejnë dhjetë kufoma, ndërsa kërkimi është i vështirë për shkak të reshjeve të shiut. Ndërkohë një person arriti të dilte në kohë nga mjeti, duke shpëtuar. India posedon rrugët më vdekjeprurëse në botë me mbi 110.000 të vdekur në vit.
