Të gjithë prisnin vitin e shkuar në “Kënga Magjike” që Aurela të dilte për të kënduar. Nuk doli. Ishte në maternitet. Sapo kishte lindur. Ishte Ardit Gjebrea ai që na lajmëroi. Na tha se u bë sërish me vajzë dhe bëri ato urimet e rastit. Sot, që në fakt është nata e dytë e “Këngës Magjike”, ndryshe nga vjet që data 7 ishte nata e parë, vajza bën plot 1 vjeç. Aurela ia paska shkruar edhe te libri i kujtimeve të bijës. “Ditën e lindjes sime në ekranin e televizionit ngjarja më e shënuar ishte: “Nata e parë e ‘Këngës Magjike’. Mami duhej të ishte në skenë, por atë ditë erdha unë në jetë”, shkruhet te Libri i Abigail. Ajo dhe mami do ta lidhin gjithmonë këtë festival me maternitetin.
