Prokuroria ka nisur hetim për audio-përgjimin e publikuar në media dje për veprën penale “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1 i Kodit Penal.
28/08/2018 – “Shantazhi ndaj gjyqtarit”/ Prokuroria e Tiranës nis verifikimin për audio-përgjimin e Bibës
Në media sot është shfaqur një audio-përgjim, ku dëgjohej se nënkryetari i KQZ-së, Denab Biba. Fliste në telefon me anëtarin e Gjykatës së Strasburgut, Ledi Bianku.
Pas kësaj ka ardhur dhe një reagim nga Biba, i cili pranoi që ka folur në telefon, por biseda është e pjesshme.
Për të sqaruar të gjitha dyshimet, burime për “Panorama” bëjnë me dije se Prokuroria e Tiranës ka nisur një hetim për të verifikuar përgjimin.
Pas kryerjes së verifikimeve paraprake, administrimi i materialit audio apo qartësimi i mënyrës së përfitimit të saj hetuesit do të vlerësojnë nëse ka vend për nisjen e një procedimi penal.
