Partia Socialiste përmes Kryetarit të Komisionit të Ligjeve Ulsi Manja reagon lidhur me audopërgjimin e publikuar dje mes Denar Bibës dhe gjyqtarit të Gjykatës së Strasburgut, Ledio Bianku.
“Dy miq, Denar Biba dhe Ledio Bianku flasin me njëri tjetrin në kafe në vitin 2014, dhe na del një përgjim me fjali të shkëputura dhe të lidhura për shtatë pale qefe ku u bëka fjalë për një shantazh të narko shtetit ndaj gjykatës së Strasburgut. Hajde shantazh hajde!
I shantazhuari Ledio Bianku, miku i Denar Bibës që nuk ka asgjë në dorë për të gjithë sa flitet. Kjo është lehtësisht e verifikueshme, paska heshtur për 4 vjet.
Shantazhuesi, miku i Ledio Biankut, u zbulua nga Lulzim Basha si i dërguari i qeverisë për shantazh ndërkohë që ai ka qenë zbuluar që ditën e parë si anëtar i delegacionit shqiptar në Strasburg. Zbulime të tilla vetëm Lulzim Basha di të bëjë.”
