Klaudia Pepa dhe Albi Nako kanë qenë padyshim një prej çifteve më të përfolur të verës së shkuar, për shkak të divorcit të tyre të bujshëm si dhe deklaratave publike të të dyja palëve pas ndarjes.
Por teksa dukej se marrëdhënia e tyre dalëngadalë po i lihej harresës, një veprim i Klaudia Pepës së fundmi ka tërhequr vëmendjen e të gjithëve.
Në profilin e tij në Instagram, moderatori Ermal Mamaqi ditën e djeshme ka postuar një video të këngëtares Elvana Gjata e cila këndon këngën “Më fal”, që flet për një histori të përfunduar dashurie ku një prej partenërve kërkon falje.
“Shrkuaj emrin e ish-it… do i bëhet qejfi!”-ka shkruar Ermali në përshkrimin e videos, ku për çudi ka komentuar edhe vetë Klaudia Pepa. Por në vend që të komentonte emrin e Albit, balerina e njohur ka shkruar: “Hah!” Të jetë kjo ironi vallë?
