Shtabi i Përgjithshëm i Ushtrisë helene ka njoftuar ditën e enjte se deri tani nga gërmimet që po kryhen në Shqipëri janë gjetur eshtrat e 108 ushtarëve grekë të rënë në luftën italo-greke.
Eshtrat janë gjetur nga gërmimet që po bëhen nga fundi i janarit në Dragot të Tepelenës, ndërsa nuk janë identifikuar, pasi pritet që të kryen ekspertiza laboratorike. Eshtrat që janë gjetur në Tepelenë do të dërgohen në laboratorin e biologjisë molekulare në Athinë.
Zhvarrimi i eshtrave të ushtarëve grekë në Shqipëri filloi në fund të janarit në bazë të marrëveshjes mes Shqipërisë dhe Greqisë për problemet e vjetra mes dy vendeve. Në proces të finalizimit janë edhe disa marrëveshje mes dy vendeve, teksa më e debatueshmja është ajo për kufirin detar, për të cilën ende Presidenti i Shqipërisë nuk ka dhënë autorizimin për Bushatin për të nisur negociatat