Dy vëllezërit Mumajesi të cilët mbetën të plagosur me armë zjarri në Tiranë mesnatën e së enjtes duket se i druhen një hakmarrjeje më të egër nga atentatorët dhe nuk kanë shfaqur bashkëpunim me policinë.
Në dëshminë e tyre nga spitali i Traumës ku vijojnë të marrin mjekim për plagët që morën nga breshëria e plumbave, Rivelino Mumajesi, 36 vjeç dhe 24 vjeçari Juxhin Mumajesi zbatuan atë që në botën e krimit njihet si “kodi i heshtjes” që në momentet e para të ngjarjes që u regjistrua në Kinostudio grupi hetimor e kishte të qartë pistën hetimore, atë të konfliktit për territorin e shpërndarjes së drogës, ku dy atentatorët vepronin prej vitesh.
Edhe vitin e kaluar ata u përplasën me armë me Eduard Dukën. Vëvllezërit u kanë thënë eskpertëve të krimit kundër jetës në policinë e Tiranës se nuk i njohin autorët dhe as motivet.
Ndërkohë Ibrahim Durollari i cili mbeti i plagosur rëndë dhe nuk ka lidhje me konfliktet ka dalë nga koma dhe po merr mjekimi e duhur.
