Pak orë pas plagosjes së ndodhur në Gurdë të Re disa detaje të reja janë mësuar. Sipas burimeve policore janë dy persona ata të cilët kanë bërë atentatin ndaj shtetasin Gjovalin Guri, 35 vjeç banues në Grudë të Re. Burimet bëjnë me dije se dy atentatorët e kanë pritur në afërsi 35 vjeçarin dhe më pas e kanë plagosur atë pak metra larg shtëpisë së tij.
Policia ka arritur që t’i identifikojë autorët dhe mësohet se janë dy persona por deri më tani nuk bëhet i ditur identiteti i tyre për shkak se hetimet vijojnë nga krimet e rënda në drejtorinë vendore të policisë së Shkodrës. Po ashtu burimet tregojnë se njëri prej atentatorëve ka qëlluar në drejtim të 35 vjeçarit me pistoletë ndërsa personi tjetër e ka ndihmuar që të largohet nga vendi i ngjarjes. Policia është vënë në kërkim të tyre ndërsa po punon për gjetjen dhe më pas arrestimin.
