Biznesmeni i plagosur mbrëmjen e djeshme në Lushnje, Saimir Taullau ka lenë spitalin. Burime bëjnë me dije se 47-vjeçari është larguar mbrëmë nga spitali, pasi ka marrë ndihmën mjekësore. Nuk dihet ende nëse ai është larguar për shkak të përmirësimit të gjendjes së tij shëndetësore apo për arsye sigurie.
Ai i shpëtoi fatmirësisht atentatit mbrëmjen e djeshme, pasi dy persona të maskuar kanë qëlluar me automatik në drejtim të tij brenda lokalit, tek rrethrrotullimi i Plugut, por ai mori vetëm një plumb.
Taullau njihet si një person me precedent të mëparshëm penalë. I vëllai i tij, u vra në vitin 2005 dhe për këtë vrasje, Saimir Taullau akuzoi në Gjykatë grupin e Aldo Bares. Biznesmeni ka patur një aktivitet tregtar edhe në Greqi dhe Itali.
