Zbulohet shënjestrat e atentatit që ndodhi sot në autostradën Lezhë-Tiranë. Në makinën tip “Ford Focus” e cila u qëllua sot në autostradën e Lezhës në drejtim të Tiranës, po udhëtonin dy punonjës të Bashkisë së Lezhës.
Personat që ishin objektiv i atentatit janë, Mirel Ndoka, punonjes i INUV dhe Edmond Mhilli ish-punonjës i njësisë Administrative Zejmen.
Në dëshminë e dhënë pranë forcave të rendit, Ndoka dhe Mhilli kanë bërë të ditur se janë qëlluar nga personat të paidentifikuar ndërkohë që ishin duke udhëtuar me makinë. Në momentin e sulmit, zyrtari i Bashkisë së Lezhës ka thënë se e ka parakaluar makinën e atentatorëve për t’i shpëtuar sulmit.
Nuk dihet nëse qëllimi i këtij sulmi ishte paralajmërimi apo një vrasje e mbetur në tentativë.
Dy zyrtarët e Bashkisë së Lezhës kanë thënë se atentatorët e kanë qëlluar makinën në pjesën e gomave, ndërkohë që ata për t’i shpëtuar kanë devijuar rrugën dhe kanë hyrë në një pikë karburanti.
Policia që ka nisur sakaq hetimet ka sekuestuar edhe kamerat e sigurisë së karburantit me shpresën se ata kanë mundur të fiksojnë automjetin nga ku hapën zjarr dy persona ende të paidentifikuar.
********
Në qytetin e Lezhës është raportuar në këto momente se ka pasur një atentat, por fatmirësisht pa viktima.
Korrespondenti i Panorama raporton se një automjet që po lëvizte në drejtim të Tiranës është qëlluar nga një makinë tjetër.
Në bordin makinës që qëlloi ishin dy persona, ndërkohë që raportohet se nuk ka të lënduar.
Policia ndodhet në vendngjarje për të zbuluar rrethanat e këtij atentati të mbetur në tentativë.
Lezhë – Informacion paraprak
Sot, rreth orës 09:50, në autostradën Lezhë – Milot, pranë fshatit Tresh është qëlluar me armë zjarri në drejtim të një mjeti ku udhëtonin 2 shtetas, nga persona të paidentifikuar nga një mjet tjetër. Nuk ka asnjë person te lenduar, por vetëm dëme materiale.
Grupi hetimor e është në vendngjarje dhe forcat policore po kryejnë të gjitha veprimet për zbardhjen rrethanave dhe ndalimin e autorëve. Janë shoqëruar disa persona, dëshmitarë okularë, ndersa po kontrollohen kamerat prane vendngjarjes si dhe janë ngritur pika kontrolli.
