Zamir Kalemi, i ka shpëtuar një atentati mbrëmjen e së premtes tek rrethrrotullimi i Selitës në Tiranë. Ka qenë ora 22:55 minuta. Kalemi ka qenë duke lëvizur me makinën e tij, Smart, kur nga një mjet tjetër në lëvizje është qëlluar me breshëri kallashnikovi.
40-vjeçari është vëllai i Andrea Kalemit, një emër i njohur për drejtësinë shqiptare dhe greke, i cili mbeti i plagosur gjatë një atentati me armë në 9 gusht 2023 në ishullin Paxos të Greqisë dhe u plagos sërish me thikë më 14 dhjetor 2023 në burgun e Koridhalos.
Mësohet se autorët që tentuan të eliminojnë Kalemin, e kanë ndjekur objektivin e tyre për orë më radhë.Ekspertët kanë gjetur në vendngjarje 13 gëzhoja automatiku. Ndërkohë, autorët që e dogjën mjetin tip “Nissan” në Bërzhitë, kanë përdorur targa të vejdhura për kryerjen e atentatit, që më herët ishin denoncuar të humbura në Tiranë.Distanca nga e cila autorët kanë qëlluar ishte e shkurtër, teksa makina në të cilën lëvizte Kalemi është përplasur edhe me trafikndarësen.Ky i fundit u dërgua në spital ku iu nënshtrua operacionit dhe është jashtë rrezikut për jetën.
Kjo ngjarje dyshohet se ka lidhje me sagën e vrasjeve të 2022 të cilat Alpenews.al jua risjell disa prej ngjarjeve.
Më 14 dhjetor 2023: Andrea Kalemi plagoset me thikë në burgun “Koridhalos” në Greqi. Autori sipas mediave grekte kishte qenë një 28-vjeçar egjiptian. Më 9 gusht 2023: Andrea Kalemi i shpëton atentatit në ishullin Pax të Greqisë, teksa kishte shkuar me pushime me 3 fëmijët dhe gruan e tij.
16 dhjetor 2022: Gjashtë muaj më pas vritet në Tiranë biznesmeni sarandiot Edmond Papa. Vrasja ishte hakmarrje për vrasjen e Sadikajt. Për ekzekutimin e tij i arrestuar është shoku i Andrea Kalemit, Albano Velo, ndërsa në kërkim është shoku tjetër Andrew Bode. Në dosjen hetimore përmendet edhe emri i Kalemit.
11 qershor 2022: Aleksandër Sadikaj vritet në një shpërthim me telekomandë. 27 vjeçari ishte kushëriri i Kalemëve. Sadikaj po lëvizte me makinë në aksin e njohur si Sauk-TEG. Autorët dyshohet se kishin vënë një sasi të konsiderueshme prej 150 gramësh tritol të komanduar me telekomandë, në pjesën e përparme të makinës e cila është aktivizuar gjatë lëvizjes.
Alpenews.al