Atentati në një hotel në Laç ku mbetën të vrarë biznesmeni Bujar Lika dhe Paulin Gjergji ka për autor Kreshnik Tushën, i cili mbeti i plagosur edhe vetë.
Policia mëson se Tusha në bashkëpunim me një person tjetër kanë goditur drejt biznesmenit Lika, duke e lënë të vdekur në vend, ndërsa ditën e sotme ndërroi jetë te spitali i traumës edhe 53 vjeçari Paulin Gjergji.
Mes Tushës dhe Likës ka patur shkëmbim zjarri, ndërsa mister mbetet emri i bashkëpunëtorit të Tushës.
Por çfarë ndodhi në Laç mbrëmjen e djeshme?
Biznesmenit Bujar Lika, rreth 37 vjeç, iu bë atentat përpara një hoteli në rrugën dytësore Laç-Mamurras, ku si pasojë e breshërisë së armëve mbeti i vdekur në vend.
Të plagosur nga të shtënat mbetën edhe 21 vjeçari Kreshnik Tusha dhe Paulin gjergji, me këtë të fundit që nuk ka mundur dot të mbijetojë.
Dyshimet e para të policisë janë oër një konflikt të hershëm, ndërsa bëhet me dije se atentatori ka hyrë në rrethimin e hotelit dhe ka nisur të qëllojë me armë, ndërsa si pasojë e kundërpërgjigjes ka mbetur dhe vetë i plagosur. Efektivë të policisë që kanë shkuar në vendngjarje e kanë gjetur atentatorin disa metra më tej, të plagosur dhe në tentativë për tu larguar.
