Një prokuror, një ish polic dhe “i forti” i Shijakut mbetën të plagosur rëndë në një atentat, objektiv i të cilit mund të kenë qenë të tre.
Në pjesën e mbrapme të makinës ka qenë i ulur Landi Muharremi, i cili ka një njohje të hershme me prokurorin Arjan Ndoj.
Pjesa më e madhe e plumbave janëe qitur në pjesën e mbrapme të mjetit dhe në krahun që ndodhej prokurori, ndërsa në pjesën e majtë mjeti është thuajse i paprekur nga plumbat, përvec dëmtimeve që ka marrë nga dalja nga rruga, tha gazetarja e News, Klodiana Lala.
Shoferi rezulton se ka qenë me shpetjësi 120 km në orë. Por, kur atentatorët kanë hapur zjarr në drejtim të automjetit shpejtësia është shtuar ndjeshëm.
Burime nga grupi i hetimit thanë për gazetën se autorët janë pikasur nga të plagosurit, por ata kanë vepruar shumë shpejt dhe për pasojë nuk mundën të shmangnin breshërinë e plumbave që u derdhën mbi ta. Mësohet se autorët, të cilët dyshohet se lëviznin me një makinë tip “Benz”, pasi qëlluan në drejtim të makinës së prokurorit, u nisën drejt Tiranës. Sipas burimeve, ata në Sukth kanë dalë në rrugë dytësore për t’iu shmangur ndonjë postblloku të Policisë.
Mësohet se autorët e kanë mbajtur nën vëzhgim të gjithë itinerarin e Ndojës dhe në momentin që u afrua pranë Mbikalimit të Shkozetit, u qëlluan me breshëri automatiku.
Mësohet se prokurori bashkë me dy miqtë e tij sapo ishin nisur në drejtim të Sukthit, ndërsa autorët kishin informacione të sakta për lëvizjen e tij, duke i bërë pritë dhe qëlluar tetë herë me kallashnikov makinën e tij.