Prend Gjini ishte shënjestra e sotme, në atentatit me 400 gr C4 që iu bë në Tiranë, pranë stacionit të fundit të Tiranës së Re.
50-vjeçari ndodhet në gjendje të rëndë në spitalin e Traumës, teksa mjekët kanë thënë se po i nënshtrohet një operacioni delikat në bark.
Siç shihet dhe nga pamjet familjarë të tij janë dyndur në ambientet e spitalit, kjo për çështje sigurie dhe shqetësimi për të afërmin e tyre.
Makina e tij tip Benz A Class shpërtheu në ecje, ndërkohë që në rrotën e përparme ka pasur 400 gr C4. Shpërthimi ka qenë tepër i fuqishëm saqë është dëgjuar edhe në zona të tjera të kryeqytetit.
