Ilir Zelka është 47-vjeçari shqiptar i cili u vra në një restorant në Brazil, teksa po hante mëngjesin.
Ai u ekzekutua, pasi u qëllua 4 herë në drejtim të tij nga persona ende të paindetifikuar. Siç raportojnë mediat, Zelka ishte ulur në një prej restoranteve më të shtrenjta të zonës.
Autoritetet në Brazil bëjnë me dije se shqiptari, i cili kishte prej 20 nëntorit që qëndronte në një hotel të zonës dhe frekuentonte rregullisht të njëjtin restorant, ishte duke ngrënë mëngjes, kur një person i paidentifikuar iu afrua me motor dhe hapi zjarr në drejtim të tij.
Zelka u transportua me urgjencë drejt spitalit, por nuk mundi t’i mbijetonte plagëve. Mediat shqiptare kanë publikuar një foto të biznesmenit Ilir Zelka.