Detaje të reja kanë dalë nga ngjarja që ndodhi mëngjesin e sotëm në Pogradec, ku u qëllua me armë zjarri në drejtim të hotel “Voloreka”.
Sipas burimeve, autorët kanë qenë 2 persona, të cilët kanë qëlluar 100 herë me kallashnikov drejt parkingut të hotelit, ku 24 plumba kanë kapur makinën e pronarit Jetmir Muçllari.
Pronari ka konflikte të mëparshme, pasi në vitin 2013 është plagosur nga Edmond Fezollari, ndërkohë që mësohet se të shtëna drejt këtij hoteli ka patur edhe në 1 gusht të këtij viti.
Burimet thonë se në 1 gusht është qëlluar 3 herë në drejtim të dhomës së djalit të pronarit, por fatmirësisht nuk ka patur të lënduar.