Në prag të mbylljes së 2019 një vit jo i lehtë, ku tërmeti që pësoi Shqipëria një muaj më parë i tronditi të gjithë. AlpeNews.al ka bërë një përmbledhje të gjitha krimeve mafioze që tronditën Shqipërinë nga vrasje në mes të ditës në sy të fëmijëve deri tek ato prapa shpine.
Atentatet mafioze që tronditën Shqipërinë në 2019:
13 dhjetor- Andi Zylyfi, i cili kishte vetëm pak kohë që ishte kthyer nga emigrimi për të festuar festat e fundivitit me familjarët e tij u qëllua me 27 plumba teksa ndodhej në një lokal buzë rrugës nacionale Elbasan-Peqin
14 dhjetor- Enver Boriçi, ish-anëtar i Bandës së Lushnjes, ka qenë duke pirë kafe në lokalin e tij kur një person i maskuar është afruar dhe e ka qëlluar për vdekje.
1 korrik 2019- Klevi Baho së bashku me të vëllanë po udhëtonin për në shtëpi me automjetin e tyre tip “Audi” me targa AA 333UZ. Ata u qëlluan me breshëri automatiku, mbi 35 herë nga një tjetër makinë në Broshkë në aksin Peqin- Elbasan nga plumbat humbi jetën Klevi Baho.
10 tetor- Shtëpia e Marsida Qatja do të kthehej në një skenë krimi, ku një konflikt i armatosur përfundoi me vrasjen e Dritan Haxhollit. Teksa në katin e dytë të dupleksit flinin fëmijët e parukieres, në ambientet e soxhornos, ajo kishte organizuar një pritje për miqtë e saj, autorin e krimit, Bledar Toçi, ish-shef i sigurisë së paraburgimit të Durrësit dhe dy miqtë e përbashkët, Xhuljo Biturku dhe Ermir Çela.
7 gusht- Nikola Ikonomi, 47 vjeç i njohur ndryshe nga banorët e zonës si Dilaver Tozaj u vra me shtatë plumba pranë banesës së tij, në hyrje të Selenicës në fshatin Resulaj.
1 gusht- Feriz Bardhi, 40 vjeç mbeti i vrarë pas një atentati me armë zjarri që i është bërë mesditën e një gushtit në lagjen nr.18 në qytetin e Durrësit. Bardhi u ekzekutua në derën e shtëpisë së tij në momentin kur disa persona të maskuar dhe të armatosur e kanë qëlluar me breshëri.
12 gusht- Armando Gjini u ekzekutua pranë Katedrales në sheshin kryesor të Rrëshenit, mesditën e 12 gushtit. 48-vjeçari që njihej edhe si ushtari i bandës së Met Kananit u ekzekutua në sy të dy fëmijëve të mitur dhe gruas së tij.
27 gusht- Santiago Malko ish-punonjës policie u vra me armë zjarri në zonën e “Porcelanit” brënda makinë s së tij.
3 tetor- Eri Zefi, u rrah dhe u vra pa mëshirë me gjashtë plumba e më pas u la i vdekur në një kanal në Zall Xhuxhë ne pranë Rrugës së Kombit.
30 mars- Brahim dhe Astrit Bilali, të dy vëllezër përkatësisht 61 dhe 59 vjeç u vranë në derën e shtëpisë me 21 plumba.
22 mars- Ravik Gurra u ekzekutua me armë zjarri në qendër të qytetit të Elbasanit në një lokali.
20 mars- Ferdinand Polia, 35 vjeç, i njohur si biznesmen dhe pronar i disa prej bujtinave turistike në Theth, u ekzekutua me 20 plumba.
18 mars– Jurgen Kurti, i njohur si menaxheri i VIP-ave, është qëlluar për vdekje në afërsi të banesës së tij në rrugën “Zef Jubani”.
21 shtator- Mariglen Haka, i njohur si i forti i Niklës ra pre e një atentati në derën e shtëpisë së tij, por plumbat i morën jetën hallës së shënjestrës, Shpresa Basha. Haka mbeti i plagosur.
/AlpeNews.al
