Ditën e sotme ishte i ftuar në emisionin “Shqipëria Live”, herbalisti i njohur, Irfan Gjeci. Para se të niste të fliste për produktet e rëndësishme për të forcuar imunitetin, ai u shpreh se “ata që bëjnë vaksinën nuk duhet të pinë alkool për një muaj”.
Më pas Irfani tregoi vetitë e jashtëzakonshme që ka për forcimin e imunitetit propolisi i bletës.
“Propolisi i bletës ndikon menjëherë në imunitetin e njeriut, por mund të përdoret pa problem, edhe pasi të bëni vaksinën anti-Covid. Nëse imuniteti në trup është i lartë, propolisi e normalizon, nëse është i ulët e ngre imunitetin”, shpjegon mjeku popullor.
Gjeci tregoi gjithashtu edhe se si ta konsumoni: “Duhet ta përziejmë me ujë të ngrohtë, ka më shumë efekt. Më mirë është ta pimë në darkë”.
Mjeku popullor këshillon konsumimin e sa më shumë çajrave, por specifikon se është më mirë të përdorimin disa ditë një lloj çaji dhe më pas një tjetër, mos t’i përziejmë që të kenë më shumë efekt. “Duhet që gjatë ditës të pimë disa herë çaj por, të presim 20-30 që çaji të japë efekt para se të pimë çajin tjetër”.
