Pas një pauze të gjatë nga shtatzënia dhe lindja e fëmijës së parë, Uliksit, Adelina Ismaili u rikthye në një koncert në Gjakovë dhe në shumë intervista televizive.
Edhe pse tregon se jeta e saj ka ndryshuar krejtësisht tani, pasi i gjithë fokusi është tek i biri, Adelina Ismaili ruan të njëjtin trup dhe të njëjtin stil si më parë: brune, me buzët e lyera me buzëkuq të errët, e veshur me të errët.
Ndonëse njerëz aludojnë se ka ndërhyrë me mbushje për buzët, Adelina prej vitesh përdor një truk fare të thjeshtë, më i vjetri për t’i bërë buzët të duken shumë të plota dhe nuk del kurrë pa të.
Është thjesht konturim shumë më sipër vijës natyrale të buzës, që e bën buzën të duket sa dyfishi i buzës në të vërtetë, siç dallohet në disa foto.
Vetulla e çarë dhe buzët e theksuara janë tipare dalluese të këngëtares dhe çfarëdo të ketë bërë, e rëndësishme është që ia doli të ketë imazhin e pangatërrueshëm që ka, si më e guximshmja e skenës shqiptare.
