Eugena Tomini, Shefja e Survejancës dhe Shërbimit të Inteligjencës Epidemike në ISHP, ndërsa foli për situatën me epideminë në vend, tha se për skenarë ekstrem, asnjë sistem shëndetësor nuk kishte dëshirë.
Në një lidhje për emisionin “Wake Up”, ndërsa u ndal te deklarata e ministres Ogerta Manastirliu, për përzgjedhjen e pacientëve që do të trajtohen, Tomini tha se nuk do tja uronte askujt.
“Skenarët ekstrem, asnjë sistem shëndetësorë nuk do kishte dëshirën, por ne shpresojmë që në skenarin ekstrem, në përzgjedhjen e njerëzve nuk do t’ja uroja askujt.
Unë flas për momentin aktual ku nuk i kemi ezauruar kapacitete, nuk do ja uroja asnjë shteti, asnjë sistemi shëndetësorë të arrinte të përzgjidhte rastet, askush nuk ka të drejtë të veprojë mbi jetën e dikujt tjetër”, u shpreh Tomini.
