Ndoshta askush nuk e dinte, por në radhët e LSI-së kemi edhe deputet nga Mirëdita, i cili në moshën 10 vjeç ka prezantuar festivale me pionerë dhe fatosa.
Bëhet fjalë për deputetin Luan Rama, i cili ka postuar nje status me mirenjohje per disa persona qe i kane shenjuar shume kujtime te bukura te femijerise se tij, duke zbuluar edhe disa detaje qe ne nuk i dinim me heret per te.
***
- STATUSI I PLOTË
“Përherë nderim dhe mirënjohje!
Mirëdita dhe mirëditorët në tërësi e ndër ta, veçmas Kurbneshi e selitasit, janë një referencë e vyer, një pasuri e paçmuar në jetën time, aq sa e konsideroj veten me fat që jetova, që u rrita, që u shkollova e mësova atje.
Por Mirëdita më bëri edhe një nder të veçantë, të cilin po e ndaj sot me ju miqtë e mi: që prej vitit 1976 kur isha 10 vjeç, më dha mundësinë të dal në skenë si prezantues i festivaleve të këngës për fatosa e pionierë e më pas, për vite me rradhë, të recitoj krijimtarinë e Gjokë Becit e Jak Tucit e të prezantoj koncertet e ansamblit “Mirëdita”; grupin e famshëm të burrave, solistët Fran Vorfi, Luljeta Përbasha, Kolë Zefi, trion e Rubikut e shumë e shumë të tjerë!
Ndaj për të gjithë ata nderim e mirënjohje!
Por sot dua të veçoj për një mirënjohje të veçantë, regjisorin tim të parë, Zef Nikollën.
Ai më mësoi artin e bukur të recitimit, ai më mësoi si zotrohet e si komandohet skena, ai më besoi të prezantoj ansamblin emërmadh “Mirdita”. Nderim e mirënjohje!“